ਬੱਸ 'ਚੋਂ ਉਤਰ ਕੇ ਜਿਉਂ ਹੀ ਉਹ ਬੱਸ ਅੱਡੇ 'ਚੋਂ ਬਾਹਰ ਨਿਕਲੇ ਤਾਂ ਉਨ੍ਹਾਂ ਰਿਕਸ਼ੇ ਵਾਲੇ ਨੂੰ ਆਵਾਜ਼ ਮਾਰੀ,
'ਰਿਕਸ਼ਾਅ...।'
'ਹਾਂ ਬਾਬੂ ਜੀ!' ਇਕ ਰਿਕਸ਼ੇ ਵਾਲਾ ਆ ਹਾਜਰ ਹੋਇਆ।
'ਕਚਹਿਰੀ ਚੱਲਣੈਂ.. ਕਿੰਨੇ ਪੈਸੇ?'
'ਦਸ ਰੂਪੱਈਆ ਸਵਾਰੀ ਕਾ ਬਾਬੂ ਜੀ।'
'ਚਲੋ ਵੀ ਕਚਹਿਰੀ ਆਲੇ... ਪੰਜ ਰੁਪਏ ਪੰਜ ਰੁਪਏ...।' ਥਰੀ ਵੀਲ੍ਹਰ ਵਾਲੇ ਦਾ ਹੋਕਾ ਸੀ।
'ਅਹੁ ਵੇਖ! ਥਿਰੀ ਵੀਲ੍ਹਰ ਵਾਲਾ ਤਾਂ ਪੰਜ ਰੁਪਏ 'ਚ ਲਈ ਜਾਂਦੈ।' ਉਨ੍ਹਾਂ ਰਿਕਸ਼ੇ ਵਾਲੇ ਨੂੰ ਕਿਹਾ।
'ਵੋ ਤੋ ਠੀਕ ਹੈ ਬਾਬੂ ਜੀ! ਲੇਕਿਨ ...ਵਹਾਂ ਥਰੀ ਵੀਲ੍ਹਰ ਮੇਂ ਤੋ ਤੇਲ ਜਲਤਾ ਹੈ ਔਰ ਯਹਾਂ...ਰਿਕਸ਼ਾ ਚਲਾਨੇ ਮੇਂ ਖੂਨ ਜਲਤਾ ਹੈ ਬਾਬੂ ਜੀ! ...ਖੂਨ ਔਰ ਤੇਲ ਮੇਂ ਅੰਤਰ ਤੋ ਹੈ ਨਾ ਬਾਬੂ ਜੀ!'
...ਤੇ ਉਹ ਚੁੱਪਚਾਪ ਰਿਕਸ਼ੇ 'ਚ ਬੈਠ ਕੇ ਕਚਹਿਰੀ ਵੱਲ ਚੱਲ ਪਏ।
.....................................
No comments:
Post a Comment